Mukesh Khanna: मुलींवर वादग्रस्त वक्तव्य केल्याने मुकेश खन्ना यांच्यावर महिला आयोगाची कारवाईची मागणी
अभिनेते मुकेश खन्ना आता मुलींबद्दल केलेल्या अपमानास्पद वक्तव्यामुळे अडकल्याचे दिसत आहे. त्यांच्या वक्तव्यावर दिल्ली महिला आयोगाने (DCW) कठोर भूमिका घेतली आहे. दिल्ली महिला आयोगाने अभिनेत्या विरोधात एफआयआर नोंदवण्यास सांगितले आहे. यासाठी दिल्ली महिला आयोगाच्या अध्यक्षा स्वाती मालीवाल यांनी दिल्ली पोलिसांच्या सायबर सेलला नोटीस बजावून अभिनेत्याविरुद्ध एफआयआर नोंदवण्याची मागणी केली आहे. DCW ने अभिनेत्याच्या कथित अपमानास्पद आणि महिलांबद्दल चुकीच्या टिप्पणीसाठी ही मागणी केली आहे.
अभिनेता मुकेश खन्ना यांचा एक व्हिडिओ
सोशल मीडियावर चांगलाच व्हायरल होत आहे. यामध्ये तो असे म्हणताना दिसत आहे, 'जो मुलगी एका मुलाला सेक्ससाठी विचारते, ती व्यवसाय करते. लोकांनी अशा गोष्टींमध्ये पडू नये. मुकेश खन्ना म्हणताना दिसतात, 'जर एखादी मुलगी असं म्हणते, तर त्याचा सरळ अर्थ असा होतो की ती मुलगी सुसंस्कृत समाजातली नाही, कारण सुसंस्कृत समाजातली मुलगी असं म्हणणार नाही.' त्याच्या या कमेंटवर यूजर्स त्याला खूप काही सांगत आहेत.
दिल्ली महिला आयोगाच्या अध्यक्षा स्वाती मालीवाल यांनी स्वत: एका ट्विटमध्ये ही माहिती शेअर केली आहे की दिल्ली महिला आयोग मुकेश खन्ना यांच्या वक्तव्यावर कठोर कारवाई करण्याची मागणी करत आहे. त्यांनी लिहिले की, 'शक्तिमानची भूमिका करणारा अभिनेता मुकेश खन्ना यांनी महिलांविरोधात केलेल्या आक्षेपार्ह वक्तव्यावर एफआयआर नोंदवण्यासाठी आम्ही दिल्ली पोलिसांना नोटीस बजावली आहे.
स्वाती मालीवाल म्हणाल्या, 'हे विधान महिलांबद्दल आक्षेपार्ह आणि महिलांबद्दल द्वेष करणारे आहे. अभिनेत्याच्या या वक्तव्यावर आयपीसीच्या विविध कलमांतर्गत कारवाई करण्यात यावी. त्यामुळे सायबर क्राईम दिल्ली पोलिसांना या संदर्भात एफआयआर नोंदवण्यासाठी नोटीस बजावण्यात आली आहे. त्यांनी आज केलेल्या वक्तव्याबद्दल संपूर्ण देशाची माफी मागितली पाहिजे.
