IND W vs SA W: दक्षिण आफ्रिकेला पराभूत करून भारतासाठी उपांत्य फेरीचे दरवाजे उघडतील

सातत्यपूर्ण कामगिरी करण्यात अपयशी ठरलेल्या भारतीय संघाची आज महिला विश्वचषकात दक्षिण आफ्रिकेशी लढत होणार आहे. दक्षिण आफ्रिकेविरुद्ध विजय हाच टीम इंडियाला सेमीफायनलमध्ये जाण्याचा एकमेव मार्ग आहे. या करा किंवा मरोच्या सामन्यात भारतीय संघ हा सामना हरला तर त्याला अंतिम चारच्या शर्यतीतून बाहेर पडावे लागेल.

आतापर्यंत 2017 च्या उपविजेत्या भारतीय संघाला अपेक्षेप्रमाणे कामगिरी करता आलेली नाही. स्पर्धेतील तीन विजय आणि तीन पराभवानंतर ते सहा गुणांसह पाचव्या स्थानावर आहेत आणि त्यांना आता शेवटचा साखळी सामना कोणत्याही किंमतीत जिंकावा लागेल. दक्षिण आफ्रिका आणि वेस्ट इंडिज यांच्यातील सामना पावसामुळे हुकल्यामुळे  भारताच्या आशांना मोठा धक्का बसला आहे.

विंडीज सात गुणांसह गुणतालिकेत तिसऱ्या स्थानावर आहे. रविवारचा सामना जिंकल्यास भारत उपांत्य फेरीत पोहोचेल.गुणतालिकेत भारत पाचव्या, इंग्लंड चौथ्या आणि न्यूझीलंड सहाव्या स्थानावर आहे. तिन्ही संघांचे प्रत्येकी सहा गुण आहेत. त्याचबरोबर इंग्लंडचा रन रेट भारतापेक्षा चांगला आहे, तर भारताचा रन रेट  न्यूझीलंडपेक्षा चांगला आहे. 

भारत आणि दक्षिण आफ्रिका या दोन संघांमध्ये आतापर्यंत 27 एकदिवसीय सामने खेळले गेले आहेत. भारताने 15 सामने जिंकले आहेत आणि दक्षिण आफ्रिकेने 11 वेळा जिंकले आहेत. आणि एक सामना अनिर्णित राहिला. महिला विश्वचषक स्पर्धेतील दोन्ही संघांचे रेकॉर्ड बघितले तर त्यांनी चार सामने खेळले आहेत, ज्यामध्ये भारताने तीन वेळा विजय मिळवला आहे तर दक्षिण आफ्रिकेने फक्त एकदाच विजय मिळवला आहे.