भगरीचे आरोग्यासाठी फायदे

Last Modified शुक्रवार, 12 मार्च 2021 (17:29 IST)
भगर म्हणजेच ‘वरीचे तांदूळ’ हे आपल्या घरी उपासाच्या दिवशी केले जातात.
सहसा उपासाचा दिवस सोडला तर इतर दिवशी आपण भगर खात नाही.
पण या भगरीत काय काय घटक आहेत आणि ती किती पौष्टिक आहे हे वाचले तर असे लक्षात येईल की एरवी सुद्धा खायला हा पदार्थ किती चांगला आहे.
आज आपण याच उपासाच्या पदार्थाबद्दल जाणून घेणार आहोत.
खरंतर भगर हे काही धान्य नाही. भगर म्हणजे शेतात आपोआप उगवणाऱ्या गवताच्या एका प्रकारच्या बिया.
हिंदीमध्ये याला ‘समा चावल’ म्हणतात.
शिजलेल्या भगरीची चव सुद्धा काहीशी भातासारखीच असते.
भगर हे पटापट वाढणारे पीक आहे. तुम्हाला वाचून आश्चर्य वाटेल पण ‘बी’ पेरल्यापासून केवळ पंचेचाळीस दिवसात भगरीचे पीक तयार होते.
भगर हे अख्ख्या भारतभर उपासाच्या दिवशी केले जाते, पण ते केवळ उपासापुरते मर्यादित न ठेवता इतर वेळेस पण खाण्यासाठी किती उपयुक्त आहे हे आपण आता बघणार आहोत.
जाणून घेऊयात भगरीत असलेली पोषकद्रवे आणि त्याचा आपल्या शरीराला होणारा उपयोग

1. जास्त प्रमाणात प्रथिने -
भगरीमध्ये प्रथिने चे प्रमाण भरपूर असते.
तांदूळ, गहू, ज्वारी या धान्यापेक्षा भगरीत कॅलरी कमी असतात.
जास्त प्रमाणात प्रोटीन असल्यामुळे थोडीशी भगर खाऊन सुद्धा शरीरात
शक्ती येते.
कॅलरी कमी असल्यामुळे वजन आटोक्यात ठेवण्यासाठी सुद्धा भगर उपयुक्त ठरते.

2. फायबर रिच फूड
भगरीत फायबर खूप जास्त प्रमाणात आढळतात.आपण खाल्लेल्या अन्नाचे पचन व्हायला फायबरची गरज असते.म्हणूनच आहारात फायबरचे प्रमाण जास्त असेल तर पचनाच्या तक्रारी कमी होतात.
भगर पचायला हलकी असते. भगर खाल्ल्याने बद्धकोष्ठतेचा त्रास असेल तर तो दूर होतो, गॅसेस होत नाहीत आणि अपचनामुळे पोट दुखत असेल तर ते सुद्धा दुखायचे कमी होते.
आहारात फायबरचे प्रमाण जास्त असेल तर पोट भरल्याची भावना सुद्धा लवकर येते आणि जास्त वेळासाठी टिकून राहते.
या कारणामुळेच वजन कमी करायचे असेल तर भगर हा एक चांगला पर्याय आहे.
3. लो ग्लायसेमिक इंडेक्स-
भगर हे ‘लो ग्लायसेमिक इंडेक्स फूड’ आहे. ‘लो ग्लायसेमिक इंडेक्स फूड’ म्हणजे असे अन्न ज्यात कार्बोहायड्रेटचे प्रमाण कमी असते आणि असलेले कार्बोहायड्रेट पचायला अतिशय सोपे असते.
यामुळे सुद्धा वजन आटोक्यात ठेवण्यासाठी भगर फायदेशीर आहे.
‘लो ग्लायसेमिक इंडेक्स’ असलेल्या अन्नामुळे रक्तातील साखर नियंत्रणात राहते.मधुमेह असणाऱ्या लोकांना या प्रकारचे अन्न खाण्याचा सल्ला दिला जातो.
अर्थातच मधुमेह असणाऱ्या लोकांनी भाताच्या ऐवजी भगर खाल्ली तर त्यांच्यासाठी ते फायदेशीर असते.
4. ग्लूटेन फ्री-
भगरीत ग्लूटेन नसते. ग्लूटेन म्हणजे आपण खातो त्या धान्यात आढळणारा एक चिकट पदार्थ.
आपण ज्या धन्याच्या पिठाला मळतो त्यात ग्लूटेन असते, उदाहरणार्थ गव्हाचे पीठ. पिझ्झा, पास्ता, ब्रेड यामध्ये ग्लूटेनचे प्रमाण जास्त असते.
ग्लूटेनमध्ये काही पोषक द्रवे नसतात, काही लोकांना ग्लूटेनची ऍलर्जी सुद्धा असते.ग्लुटेनयुक्त पदार्थ खाल्ल्याने त्यांना पोटात दुखणे, अपचन यासारखे त्रास होतात.अशांसाठी भगर जे पूर्णपणे ग्लूटेन फ्री आहे हा एक उत्तम पर्याय आहे, जो पचायला हलका आहे हे आपण वर बघितलेच आहे.
5. जास्त प्रमाणात आयरन असते-
भगरीत आयर्न जास्त प्रमाणात आढळते.म्हणूनच आपल्याला जर ऍनेमियाचा त्रास (शरीरात हिमोग्लोबिनचे प्रमाण कमी असणे) सरल तर शरीरातले हिमोग्लोबिनचे प्रमाण वाढवण्यासाठी भगर उपयोगी आहे.
इतर कोणत्याही धान्यात असते त्यापेक्षा जास्त प्रमाणात आयरन भगरीतून मिळते.साधारण 100 ग्राम भगरीतून 18.5 mg आयरन मिळते. विशेषतः शाकाहारी लोकांसाठी भगर हा आयरन चा सर्वोत्तम स्रोत आहे.
6. व्हिटॅमिन्स आणि खनिजे यांचे प्रमाण जास्त असते-
भगरीत व्हिटॅमिन ‘सी’, ‘ए’ आणि ‘इ’ जास्त प्रमाणात असतात.
तसेच भगरीत खनिजे सुद्धा जास्त प्रमाणात आढळतात ज्यामुळे आपली रोगप्रतिकार शक्ती वाढते.

7. सोडियम फ्री फूड-
भगरीत सोडियम नसते ज्यामुळे बीपी नियंत्रणात ठेवण्यासाठी फायदा होतो.

8. भरपूर अँटिऑक्सिडंट्स-
साध्या भातापेक्षा भगरीमध्ये जास्त प्रमाणात अँटिऑक्सिडंट्स असतात.
अँटिऑक्सिडंट्स आपल्या शरीरातल्या पेशींची फ्री रॅडिकल्स नावाच्या धोकादायक मॉलिक्यूल पासून संरक्षण करतात.
मोठी माणसे भगर जरी उपासाला खात असले तरी बाळाला पहिल्यांदा बाहेरचे अन्न देताना, अगदी सहाव्या सातव्या महिन्यापासून भगरीची खीर करून दिली तर बाळासाठी तो उत्तम पोषक आहार ठरतो.कारण ती पचायला अतिशय हलकी असते.
भगरीसारखे इतके सकस अन्न, फक्त उपवासासाठी न वापरता त्याचा रोजच्या आहारात उपयोग झाला पाहिजे.


यावर अधिक वाचा :

डिशच्या रिचार्जसाठी घटस्फोट

डिशच्या रिचार्जसाठी घटस्फोट
नवरा-बायकोमध्ये कोणत्या ना कोणत्या कारणावरून भांडणं होतच असतात. काही वेळा हे वाद ...

धर्मवीर चित्रपटामुळे नात्याला तडा! उद्धव ठाकरे यांनी ...

धर्मवीर चित्रपटामुळे नात्याला तडा! उद्धव ठाकरे यांनी धर्मवीर चित्रपटाचा शेवट पाहणं का टाळलं होतं?
13 मे रोजी प्रदर्शित झालेल्या ‘धर्मवीर : मुकाम पोस्ट ठाणे’या मराठी चित्रपटाच्या ...

विधानसभेचे विशेष अधिवेशन 3 व 4 जुलै रोजी होणार

विधानसभेचे विशेष अधिवेशन 3 व 4 जुलै रोजी होणार
महाराष्ट्र विधानसभेचे दोन दिवसीय विशेष अधिवेशन रविवार, दिनांक 3 जुलै आणि सोमवार, दिनांक 4 ...

एकनाथ शिंदे आणि देवेंद्र फडणवीस यांना उद्धव ठाकरे यांनी ...

एकनाथ शिंदे आणि देवेंद्र फडणवीस यांना उद्धव ठाकरे यांनी दिल्या अशा शुभेच्छा
राज्याच्या मुख्यमंत्रीपदी एकनाथ शिंदे आणि उपमुख्यमंत्रीपदी देवेंद्र फडणवीस यांनी शपथ ...

सिडकोत तरुणीवर बलात्कार;गुन्हा दाखल

सिडकोत तरुणीवर बलात्कार;गुन्हा दाखल
नाशिक – सिडकोत तरुणीवर वेळोवेळी बलात्कार केल्याप्रकरणी अंबड पोलिस स्थानकात गुन्हा दाखल ...

Noodles Boiling Tips : चाउमीनला चिकट होण्यापासून ...

Noodles Boiling Tips : चाउमीनला चिकट होण्यापासून रोखण्यासाठी, अशा प्रकारे उकळवा, स्टेप्स जाणून घ्या
आपल्या सर्वांना चायनीज पदार्थ आवडतात.विशेषत: चाउमीन हा बहुतेक लोकांचा आवडता असतो.घरच्या ...

बारावी नंतर बॅचलर ऑफ एलिमेंट्री एज्युकेशन- बीएलएड करियर ...

बारावी नंतर बॅचलर ऑफ एलिमेंट्री एज्युकेशन- बीएलएड करियर मध्ये करिअर करा ,अभ्यासक्रम, पात्रता ,कौशल्ये ,नोकरीच्या संधी, जाणून घ्या
बॅचलर ऑफ एलिमेंटरी एज्युकेशन- B.El.Ed हा शिक्षक क्षेत्रातील अभ्यासक्रम आहे. हा कोर्स ...

विश्रामासन योगाचे 5 फायदे जाणून घ्या आणि ताण दूर करा

विश्रामासन योगाचे 5 फायदे जाणून घ्या आणि ताण दूर करा
हे आसन केल्यानं एखादा व्यक्ती स्वतःला पूर्ण विश्रामाच्या स्थितीत अनुभवतो म्हणून याला ...

ब्रेड उपमा, काही मिनिटांत तयार होणारी सोपी रेसिपी

ब्रेड उपमा, काही मिनिटांत तयार होणारी सोपी रेसिपी
स्वयंपाकघरात रवा संपला तर काळजी करण्यासारखे काही नाही. तुम्हाला हवे असल्यास तुम्ही ...

मुलीला तुमच्याशी लग्न करायचे आहे की नाही, यावरून ओळखा

मुलीला तुमच्याशी लग्न करायचे आहे की नाही, यावरून ओळखा
नाते लग्नाच्या टप्प्यावर पोहोचते जेव्हा दोन लोक एकमेकांच्या प्रेमात पडतात आणि एकमेकांसोबत ...