गुरूवार, 25 एप्रिल 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Updated : रविवार, 2 ऑक्टोबर 2022 (21:47 IST)

परिक्षा पे चर्चा 2022: आज सकाळी 11 वाजता पंतप्रधान मोदी करणार 'परीक्षा पे चर्चा', या विषयांवर विद्यार्थ्यांशी होणार थेट संवाद

परिक्षा पे चर्चा 2022: पंतप्रधान नरेंद्र मोदी यांचा 'परीक्षा पे चर्चा' कार्यक्रम आज सकाळी 11 वाजता आयोजित केला जाणार आहे. पंतप्रधान नवी दिल्लीतील तालकटोरा स्टेडियममध्ये विद्यार्थ्यांशी थेट संवाद साधतील.
 
पंतप्रधान नरेंद्र मोदी यांच्याकडून 'परीक्षा पे चर्चा २०२२': पंतप्रधान नरेंद्र मोदी यांच्यासोबत 'परीक्षा पे चर्चा २०२२' कार्यक्रमाची पाचवी आवृत्ती आज तालकटोरा स्टेडियम, नवी दिल्ली येथे आयोजित केली जाईल. दिल्ली एनसीआर विभागातील विविध शाळांमधील सुमारे 1000 विद्यार्थी या कार्यक्रमात सहभागी होतील. या निमित्ताने पंतप्रधान नरेंद्र मोदी यांच्याशी थेट संवाद साधण्याची संधी विद्यार्थ्यांना मिळणार आहे. हा कार्यक्रम दूरदर्शनसह सर्व वाहिन्यांवर प्रसारित केला जाईल.
 
पंतप्रधान सांगणार तणावमुक्तीच्या टिप्स -
 
यासंदर्भात केंद्रीय शिक्षण मंत्री धर्मेंद्र प्रधान म्हणाले की, या कार्यक्रमात मोदी विद्यार्थ्यांना परीक्षेच्या तणावातून कसे बाहेर काढायचे हे सांगतील. 16 फेब्रुवारी 2018 रोजी तालकटोरा स्टेडियमवरच पंतप्रधानांच्या शाळा-महाविद्यालयातील विद्यार्थ्यांशी संवाद कार्यक्रमाची पहिली आवृत्तीही आयोजित करण्यात आली होती.
 
पंतप्रधानांनी ट्विट केले -
'परीक्षा पे चर्चा' कार्यक्रमावर पंतप्रधानांनी ट्विट केले की, 'प्रत्येक तरुण ज्या संवादाची वाट पाहत आहे तो 1 एप्रिल 2022 रोजी होईल. तणाव कमी करण्यासाठी आणि परीक्षेत यशस्वी होण्याचे मार्ग जाणून घ्या आणि पंतप्रधान श्री नरेंद्र मोदीजी यांचा सल्ला घ्या. परीक्षा योद्धा, पालक आणि शिक्षक PPC 2022 साठी सज्ज व्हा.
 
गेल्या चार वर्षांपासून हा कार्यक्रम आयोजित केला जात आहे -
शिक्षण मंत्रालयाच्या शालेय शिक्षण आणि साक्षरता विभागातर्फे गेल्या चार वर्षांपासून हा कार्यक्रम आयोजित केला जात आहे. परीक्षा पे चर्चाच्या पहिल्या तीन आवृत्त्या दिल्लीत टाऊनहॉल स्वरूपात आयोजित केल्या गेल्या. चौथी आवृत्ती गेल्या वर्षी 7 एप्रिल रोजी आयोजित करण्यात आली होती.