मंगळवार, 5 मार्च 2024
  1. मराठी बातम्या
  2. महाराष्ट्र न्यूज
  3. महाराष्ट्र माझा
Written By
Last Modified: बुधवार, 11 जुलै 2018 (16:44 IST)

बाईक रेसर, बाईक कोच चेतना पंडित यांची आत्महत्या

बाईक रेसर, महिला बाईक कोच आणि 'रॉयल एनफिल्ड'च्या रोड कॅप्टन चेतना नागेश पंडित (२७) या मंगळवारी उशिरा आपल्या राहत्या घरी मृतावस्थेत आढळल्या. गोरेगाव इथल्या पद्मावती नगरमधील एका अपार्टमेंटमधल्या रुममध्ये फॅनला गळफास घेतलेल्या अवस्थेत त्यांचा मृतदेह आढळला. 
 
प्रेमप्रकरणात दुखावल्या गेल्यानंतर चेतनानं हे पाऊल उचलल्याचं सांगितलं जातंय. घटनास्थळी एक सुसाईड नोटही पोलिसांना सापडलीय. 'माझ्या महत्त्वाकांक्षा पू्र्ण करता न आल्यामुळे मी आत्महत्या करते आहे' असा उल्लेख सुसाइड नोटमध्ये आहे. काही दिवसांपूर्वी बॉयफ्रेंडशी ब्रेकअप झाल्यानंतर चेतना खुपच दुखावली गेली होती आणि नैराश्येत होती, असं तिच्या मैत्रिणींनी म्हटलंय. 
 
चेतना आणखीन दोन मुलींसह भाड्याच्या घरात गेल्या चार-पाच महिन्यांपासून राहत होती. घटना घडली तेव्हा रुममध्ये कुणीही उपस्थित नव्हतं. रुममेट घरी परतल्यानंतर वारंवार दरवाजावरची बेल वाजवूनही आतून प्रतिसाद न मिळाल्यानं त्यांनी डुप्लिकेट चावीनं दरवाजा उघडला... तेव्हा त्यांना चेतनाचा मृतदेह आढळला.