Yoga Tips :वयाच्या 60 वर्षानंतरही कोणती आसने फायदेशीर आहेत, जाणून घ्या
शरीर निरोगी आणि तंदुरुस्त ठेवण्यासाठी नियमितपणे योगासन-व्यायाम करणे अत्यंत आवश्यक मानले जाते. शारीरिक आणि मानसिक तंदुरुस्ती राखण्यासाठी, हाडे निरोगी ठेवण्यासाठी आणि वयाबरोबर उद्भवणाऱ्या अनेक समस्यांचा धोका कमी करण्यासाठी योगासने खूप प्रभावी ठरू शकतात.
रोजच्या 30 मिनिटांच्या योगा-व्यायामाचा नित्यक्रमात समावेश करून, तुम्ही शरीराला सहज सक्रिय ठेवू शकता, ज्यामुळे हाडे आणि स्नायूंच्या अनेक प्रकारच्या समस्यांचा धोका नैसर्गिकरित्या कमी होतो.योग तज्ज्ञ सांगतात, वाढत्या वयाबरोबर शारीरिक हालचालींकडे लक्ष देणे अधिक गरजेचे बनले आहे.
60 वर्षाच्या वयाच्या व्यक्तींनीही तज्ज्ञांच्या सल्ल्यानुसार आणि देखरेखीखाली त्यांच्या आरोग्य आणि क्षमतेनुसार नियमित योगासनांची सवय लावावी.जेणे करून सांधेदुखी, हातपाय दुखणे या त्रासात देखील फायदा मिळतो. चला जाणून घेऊया की कोणत्या योगासनांचा सराव करणे फायदेशीर ठरेल.
1 चेअर पोज - दररोज या आसनाचा सराव करा. या आसनाचा सराव केल्याने वाढत्या वयात होणाऱ्या त्रासाला कमी करण्यासाठी आणि शरीर तंदुरुस्त ठेवण्यासाठी सर्वानी नियमितपणे दररोज चेअरपोज योगाचा सराव केल्याने फायदा मिळतो.
हे योग आसन शरीराची लवचिकता सुधारण्यास, हातापायातील वेदना व्यवस्थापित करण्यात आणि रक्त परिसंचरण चांगले राखण्यास मदत करू शकते. शरीराचे संतुलन सुधारण्यासोबतच पाय आणि गुडघ्यांच्या समस्या कमी करण्यासाठीही हा योग उपयुक्त आहे.
2 ट्री पोज- या योगाचा सराव केल्याने शारीरिक संतुलनाचा त्रास होतो. बऱ्याच वेळा चालताना तोल जातो. हा योग शारीरिक मुद्रा आणि शरीराचा संतुलन ठेवण्या व्यतिरिक्त उच्च रक्तदाब, ऑस्टिओपोरोसिस यासारख्या समस्यांचा धोका कमी करण्यासाठी या योगासनांची सवय तुमच्यासाठी विशेषतः फायदेशीर ठरू शकते.
3 प्राणायाम-ज्येष्ठांचे मानसिक आणि शारीरिक आरोग्य चांगले ठेवण्यासाठी प्राणायामाचा सराव विशेषतः फायदेशीर ठरू शकतो. वयानुसार अल्झायमरसारख्या स्मरणशक्तीशी संबंधित समस्यांचा धोका वाढतो, जो प्राणायामाचा नियमित सराव करून टाळता येतो. प्राणायामाची सवय लावून तुम्ही मन शांत, आनंदी आणि चिंता विकार दूर ठेवण्यात यशस्वी होऊ शकता.
