केवळ अडीच तासात मुंबई ते पुणे, पाऊण तास वाचणार

31 मे पासून इंटरसिटी एक्स्प्रसेच्या वेळापत्रकात बदल होत असल्याने आता मुंबई ते पुणे प्रवास फक्त 2 तास 35 मिनिटांत पूर्ण केला जाईल. या पूर्वी इंटरसिटीला मुंबई ते पुणे प्रवासासाठी 3 तास 17 मिनिटांचा वेळ लागत होता. अर्थात आता जवळपास पाऊण तास वाचणार आहे.

31 मे ते 6 जून दरम्यान इंटरसिटी एक्स्प्रेस नव्या वेळापत्रकानुसार धावणार आहे. कारण एक्स्प्रेसला पूश अॅण्ड पूलचे डबल इंजिन लावण्यात आले आहे. या दरम्यान कुठलीही अडचण न येता गाडी वेळापत्रकानुसार धावली तर हेच वेळापत्रक कायम ठेवलं जाणार आहे.

अंतर: 192 किमी

वेळ: सीएसएमटीवरुन 6.45 ला सुटणार, पुण्याला 9.20 ला पोहोचणार 

पुण्याहून संध्याकाळी 6.30 ला सुटणार आणि मुंबईला 9.05 ला पोहचणार.