Last Modified: लंडन , गुरूवार, 31 मे 2012 (16:57 IST)
पीटरसन वनडे क्रिकेटमधून निवृत्त
PTI
PTI
इंग्लंडचा करिश्माई फलंदाज केव्हिन पीटरसन याने एकदिवसीय आंतरराष्ट्रीय क्रिकेटमधून निवृत्ती जाहिर केली आहे. यापुढे तो फक्त टेस्ट क्रिकेटसाठी उपलब्ध राहिल.
२००४ साली वनडे पदार्पण करणार्‍या ३१ वर्षीय पीटरसनने १२७ वनडे सामन्यातून ४२ इतक्या सरासरीने ४१८४ धावा केल्या आहेत. टी-२० क्रिकेटमध्ये त्याची सरासरी ३८ इतकी आहे.
आंतरराष्ट्रीय क्रिकेटमधील व्यस्तता आणि माझ्या शरीरीवरील त्याचा ताण लक्षात घेता बाजूला हटून टी-ट्वेंटी विश्वकरंडकापूर्वी नवीन पीढीस अनुभव मिळावा, यादृष्टीने आपण निवृत्त होत असल्याचे त्याने सांगितले.
वनडे क्रिकेटमधील आपल्या कामगिरीचा सार्थ अभिमान आहे, मात्र आता फक्त टेस्ट क्रिकेट खेळण्याचा आपला मनोदय असल्याचे त्याने स्पष्ट केले.
