शनिवार, 3 डिसेंबर 2022
  1. लाईफस्टाईल
  2. लव्ह स्टेशन
  3. प्रेमगीत
Written By वेबदुनिया|

तुझे रूप सखे गुलजार असे

तुझे रूप सखे गुलजार असे
काहूर मनी उठले भलत
दिनरात तुझा ग ध्यास जडे
हा छंद जिवाला लावि पिसे !

ती वीज तुझ्या नजरेमधली
गाली खुलते रंगेल खळी
ओठांत रसेली जादुगिरी
उरि हसति गुलाबी गेंद कसे !

नखऱ्यांत तुझ्या ग मदनपरी
ही धून शराबी दर्दभरी
हा झोक तुझा घायाळ करी
कैफात बुडाले भान असे !

ती धुंद मिठी, बेबंद नशा
श्वासांत सखे विरतात दिशा
बेहोश सुखाच्या या गगनी
मी आज मला हरवून बसे !