क्रुझ ड्रग्ज प्रकरणात आर्यन खानला क्लीन चिट दिल्यानंतर समीन वानखेडेची चेन्नईला बदली झाली
क्रूझ ड्रग्ज प्रकरणात शाहरुख खानचा मुलगा आर्यन खान याला अटक करणारे नार्कोटिक्स कंट्रोल ब्युरो (NCB)अधिकारी समीर वानखेडे यांची चेन्नईला बदली करण्यात आली आहे. आदेशानुसार, समीन वानखेडे यांची डायरेक्टरेट जनरल ऑफ अॅनालिटिक्स अँड रिस्क मॅनेजमेंट (DGARM)मुंबई येथून चेन्नईचे DG,Taxpayers Service Directorate येथे बदली करण्यात आली आहे. नुकतीच या प्रकरणाची सुनावणी करणाऱ्या एनडीपीएस कोर्टाने आर्यन खानला याप्रकरणी क्लीन चिट दिली होती. तेव्हापासून समीर वानखेडेवर प्रश्न उपस्थित केले जात होते. आर्यन खान प्रकरणी एनसीबीची कारवाई म्हणून समीर वानखेडे यांच्या बदलीकडे पाहिले जात आहे.
हे लक्षात घेण्यासारखे आहे की एनसीबीने गेल्या आठवड्यातच क्रूझ ड्रग्स प्रकरणात आरोपपत्र दाखल केले होते. एनसीबीच्या आरोपपत्रात आर्यनसह अन्य तीन आरोपींची नावे समाविष्ट नाहीत. यानंतर एनडीपीएस कोर्टाने आर्यन खानसह तीन जणांना क्लीन चिट दिली होती. आर्यन खानला क्लीन चिट मिळाल्यानंतर एनसीबी आणि समीर वानखेडेवर प्रश्न उपस्थित केले जात आहेत. लोक एनसीबीच्या कार्यशैलीवर प्रश्नचिन्ह उपस्थित करत होते. त्याचवेळी काही लोक याला सूडबुद्धीची कारवाई म्हणत होते.
खरं तर, एनसीबीने एनडीपीएस कोर्टात कबूल केले होते की आर्यन खानकडून ड्रग्स जप्त करण्यात आलेले नाहीत किंवा आर्यन खानने ड्रग्ज घेतल्याचे पुरावे मिळालेले नाहीत.
