ठाण्यात दोन अल्पवयीन मुलींवर लैंगिक अत्याचार तर मुंब्रा येथे एका व्यक्तीचा मृतदेह आढळला
Thane News: ठाणे शहरात एका व्यक्तीने १३ वर्षांच्या मुलीचे अपहरण करून तिच्यावर लैंगिक अत्याचार केल्याचा आरोप आहे, अशी माहिती ठाणे पोलिसांनी शनिवारी दिली. पोलिसांनी शुक्रवारी १९ वर्षीय आरोपीला अटक केली, असे एका अधिकाऱ्याने सांगितले. पोलिसांनी दिलेल्या माहितीनुसार, बुधवारी रात्री मोठ्या बहिणीशी झालेल्या भांडणानंतर मुलगी घराबाहेर पडली आणि शहरातील एका तलावाच्या काठावर जाऊन बसली. आरोपीने मुलीशी संपर्क साधला आणि तिला त्याच्या घरी बोलावले, जिथे त्याने तिला धमकावले आणि तिच्यावर लैंगिक केला, असे अधिकाऱ्याने सांगितले. आरोपीवर भारतीय दंड संहिता आणि लैंगिक गुन्ह्यांपासून मुलांचे संरक्षण (POCSO) कायद्याच्या इतर संबंधित तरतुदींखाली गुन्हा दाखल करण्यात आला आहे. व पुढील तपास सुरु आहे.
अल्पवयीन मुलीवर लैंगिक अत्याचार, आरोपीला १० वर्षांची सक्तमजुरीची शिक्षा
महाराष्ट्रातील ठाणे जिल्ह्यातील एका विशेष न्यायालयाने नऊ वर्षांच्या मुलीवर लैंगिक केल्याप्रकरणी एका व्यक्तीला १० वर्षांच्या सक्तमजुरीची शिक्षा सुनावली आहे. विशेष न्यायाधीश डी.एस. देशमुख यांनी शुक्रवारी आरोपीला लैंगिक गुन्ह्यांपासून मुलांचे संरक्षण (पोक्सो) कायद्याअंतर्गत दोषी ठरवले. ठाणे शहरातील रहिवासी असलेल्या या व्यक्तीला १० वर्षांची सक्तमजुरी आणि १०,००० रुपये दंडाची शिक्षा सुनावण्यात आली. न्यायाधीशांनी पीडितेला दंडाची रक्कम भरपाई म्हणून देण्याचे निर्देश दिले आणि मुलीला अतिरिक्त भरपाई देण्यासाठी प्रकरण डीएलएसएकडे पाठवले.
मुंब्रा येथे एका व्यक्तीचा मृतदेह आढळला
ठाणे जिल्ह्यातील मुंब्रा येथे शुक्रवारी संध्याकाळी रेल्वे पुलाजवळ एका व्यक्तीचा मृतदेह आढळला. ठाणे महानगरपालिकेच्या आपत्ती व्यवस्थापन कक्षाचे प्रमुख यांनी सांगितले की, मृताचे नाव हॅपी सुनील कुमार सिंग (२८) असे आहे. तो मुंबईतील वडाळा येथील रहिवासी होता. पोलिस अधिकाऱ्याने सांगितले की, अपघाती मृत्यूचा गुन्हा दाखल करण्यात आला आहे आणि पुढील तपास सुरू आहे.
