मेरीची प्रथमच पाहणार कन्येची लढत!
लंडन ऑलिम्पिकसाठी पात्र ठरलेली एकमेव भारतीय महिला मुष्ठियुद्ध खेळाडू मेरीकॉम सध्या दुहेरी आनंदात आहे. काररण तिची आई ऑलिम्पिक स्पर्धेतील रिंगणात तिला लढताना प्रथमच पाहणार आहे. अचानक मिळलेल्या या सरप्राइजने मेरीलादेखील मूठभर मांस चढले आहे. एका कंपनीने राबविलेल्या ‘थँक यू, मॉम’ या कँपेनअंतर्गत कखाम यांना लंडनमध्ये पाठविण्यात येत आहे. मी रिंगणात लढत असताना माझी आई स्टॅण्डमध्ये बसलेली पाहण्याचे माझे अनेक वर्षांपासूनचे स्वप्न होते. हे स्वप्न आता पूर्ण होत आहे, असे तिने सांगितले. माझी आई माझी ताकद आहे. मी मुष्ठियुद्धात करियर करण्याचे ठरवले तेव्हा तिनला मुळीच आवडले नव्हते, असेही मेरीकॉमने यावेळी सांगितले. प्रत्येकाच्या आईप्रमाणे तीही चिंताग्रस्त झाली होती. मला जखमी झालेले पाहण्याची तिची इच्छा नव्हती. पण तिने कधीही मला रोखले नाही. माझ्या प्रत्येक निर्णयाचे तिने समर्थनच केले, असेही तिने नमूद केले.
