Breastfeeding Basics :प्रत्येक स्तनपान करणाऱ्या आईने या मूलभूत गोष्टी लक्षात ठेवावे
Breastfeeding Basics :गर्भधारणेनंतर स्त्रीच्या शरीरात अनेक बदल होतात.प्रसूतीनंतरही बदलांचा कालावधी सुरू होतो.यातील एक बदल म्हणजे स्तनपान कसे करायचे. प्रत्येक स्त्रीला यासंबंधीच्या गोष्टींची माहिती असायला हवी. पहिल्यांदा स्तनपान करणं हे अवघड काम असतं, चला स्तनपानाशी निगडित काही माहिती जाणून घेऊ या.
1 मूल जन्माला येताच दूध येत नाही-
अनेक महिलांचा असा गैरसमज असतो की आपण मूल जन्माला येताच स्तनपान करण्यास तयार असतो.प्रत्येक स्त्रीचे शरीर आणि आरोग्याची स्थिती वेगळी असते.अशा परिस्थितीत, कधीकधी 2-3 तासांनंतर तुम्ही स्तनपानासाठी तयार असता.ज्या स्त्रिया सिझेरियन शस्त्रक्रिया करतात त्यांना थोडा जास्त वेळ लागू शकतो.ही सर्व परिस्थिती सामान्य आहे.या साठी डॉक्टरांचा सल्ला घ्यावा.
2 तुमच्या फिटनेससाठीही स्तनपान महत्त्वाचे आहे-
आईचे दूध मुलांसाठी किती महत्त्वाचे आहे माहितीच असेल.त्याचप्रमाणे, आईसाठी स्तनपान हे तितकेच महत्वाचे आहे कारण ते तुमच्या शरीराला आराम देते आणि अनेक आरोग्य समस्या तुमच्यापासून दूर ठेवते. पण तुम्ही तुमच्या बाळाला स्तनपान करणे सुरु करता तेव्हा बाळाला ते आरामदायी आहे का त्याकडे लक्ष द्या.जर बाळाला दूध पिण्यास त्रास होत असेल तर तुम्ही डॉक्टरांचा सल्ला घेऊ शकता
3 निरोगी आहार -
बाळांना फक्त पहिले सहा महिने स्तनपान दिले जाते.आईचे दूध त्यांना सर्व पोषक तत्वे पुरवते आणि रोगप्रतिकारक शक्तीसाठी देखील उपयुक्त आहे.यासाठी तुम्ही चांगले खावे आणि हायड्रेटेड राहावे.तुम्ही जे काही खाल ते तुमच्या बाळाला तुमच्या दुधाच्या रूपात मिळेल.जर तुमच्या आहारात पोषक तत्वांचे प्रमाण कमी असेल आणि तुम्ही हायड्रेटेड नसाल तर ते तुमच्या आरोग्यासाठी तसेच बाळासाठीही धोकादायक आहे.
4 स्तनपान करताना बाळाला नीट धरा-
तुमच्या बाळाला नीट धरता येणं आरामदायी स्तनपानासाठी आवश्यक आहे.तुम्ही क्रॅडल होल्ड, क्रॉसओव्हर होल्ड, फुटबॉल होल्ड आणि साइड-ले यांसारख्या पोझिशन फॉलो करू शकता.जर तुम्ही पोझिशन बरोबर ठेवली तर त्यामुळे बाळाला दूध पिताना कोणतीही समस्या उद्भवणार नाही आणि तुम्हाला स्तनपान करताना जास्त त्रास होणार नाही.
5 रिलॅक्स होऊन बाळाला स्तनपान करा-
तुम्हाला स्तनपान करताना समस्या येत असल्यास, पोझिशन्स बदलण्याचा प्रयत्न करा.आपण प्रथम रिलॅक्स होणं आवश्यक आहे.तुम्ही रिलॅक्स मूड मध्ये स्तनपान करण्यासाठी चांगले संगीत ऐका.यामुळे तुमच्या बाळाला चांगले पोषण मिळण्यास मदत होईल आणि दुधाचा प्रवाहही सुधारेल.
