Bilaspur Crime News पत्नीचे 6 तुकडे पाण्याच्या टाकीत

रायपूर : छत्तीसगडमधील बिलासपूरमध्ये श्रद्धा हत्याकांडसारखे खळबळजनक प्रकरण समोर आले आहे. येथे एका तरुणाने पत्नीची हत्या करून मृतदेहाचे 6 तुकडे करून ते पाण्याच्या टाकीत टाकले. सुमारे 2 महिने मृतदेह पाण्याच्या टाकीत लपवून ठेवण्यात आला होता. हे प्रकरण बिलासपूरच्या उसलापूर पोलीस ठाण्याशी संबंधित आहे. पत्नीचे कोणाशी तरी अवैध संबंध असल्याचा पतीला संशय होता, त्यामुळे त्याने पत्नीची हत्या केली. खून केल्यानंतर आरोपी पतीने स्वत:ला वाचवण्यासाठी मृतदेहाचे तुकडे केले आणि पाण्याच्या टाकीत फेकले. पोलिसांनी घटनास्थळी पोहोचून शोध घेतला असता त्यांना आश्चर्याचा धक्का बसला. त्याला पाण्याच्या टाकीत शरीराचे अवयव असलेली पिशवी सापडली.

 पोलिसांनी आरोपी पतीला अटक केली आहे. चौकशीत आरोपी पतीने सांगितले की, त्याला त्याच्या पत्नीवर संशय होता. बायकोचं कुणाशी तरी अफेअर असल्याचं त्याला वाटत होतं. ज्यानंतर त्याने हत्या केली. सीता साहू असे मृताचे नाव असून पवन ठाकूर असे आरोपीचे नाव असल्याचे पोलिसांनी सांगितले. याप्रकरणी सध्या पोलीस आरोपी पवन ठाकूरची चौकशी करत आहेत.

खूनाचा उघड कसा झाला

मिळालेल्या माहितीनुसार, पोलिसांनी आरोपी पवन ठाकूर याला बनावट नोटांसह अटक केली. याप्रकरणी पोलीस आरोपीच्या घरी शोध घेण्यासाठी पोहोचले होते. यानंतर येथील दृश्य पाहून पोलीसही चकित झाले. आरोपीच्या घरातून पोलिसांना विचित्र वास येत होता. झडती घेत असताना पोलिसांनी पाण्याची टाकी उघडली असता त्यांना आश्चर्याचा धक्का बसला. याच मृतदेहाचे छोटे तुकडे पाण्याच्या टाकीत सापडले. पोलिसांनी आरोपीच्या घरातून बनावट नोटांचे बंडल आणि नोट मोजण्याचे मशीनही जप्त केले आहे.

आरोपीची दोन मुले आहे 

आरोपी पवन ठाकूर याने पोलिसांना सांगितले की, तो पत्नी आणि दोन मुलांसह भाड्याच्या घरात राहत होता. त्याला पत्नीच्या चारित्र्यावर संशय होता, त्यामुळे त्याने 5 जानेवारीला तिची हत्या केली. त्यानंतर मृतदेहाचे 6 तुकडे करून ते पाण्याच्या टाकीत टाकले. पत्नीची हत्या केल्यानंतर आरोपी आपल्या दोन्ही मुलांना आई-वडिलांकडे तखतपूर येथे सोडून गेला होता. दोघांचेही 10 वर्षांपूर्वी लग्न झाल्याचे सांगण्यात येत आहे.

Edited by : Smita Joshi