छगन भुजबळ यांची सुटका होणार ?
आर्थिक गैरव्यवहार प्रतिबंधक कायद्यानुसार अटकेत असलेले राष्ट्रवादीचे नेते छगन भुजबळ यांच्या सुटकेचा मार्ग मोकळा होण्याची शक्यता आहे. कारण आर्थिक गैरव्यवहार प्रतिबंधक कायदा म्हणजेच मनी लाँड्रिंग कायद्यातलं कलम ४५ सुप्रीम कोर्टानं घटनाबाह्य ठरवलंय. त्यामुळं या आरोपांखाली तुरूंगात असणाऱ्या अनेक आरोपींची लवकरच सुटका होण्याची शक्यता आहे.
याप्रकरणात कलम ४५ मधल्या तरतुदींनुसार ज्या आरोपींना जामीन नाकारण्यात आला होता ते आदेशही सुप्रीम कोर्टानं रद्द ठरवलेत. त्यामुळं अशा आरोपींना जामीन मिळण्याची चिन्ह आहेत. पीएमएलए कायद्यातील कलम ४५ हे काळ्या पैशाला चाप लावण्यात महत्त्वाचे अस्त्र असल्याचे केंद्र सरकारला वाटत होते. मात्र आता सुप्रीम कोर्टाने हे कलमच घटनाबाह्य ठरवल्यानं सरकारसाठी हा मोठा धक्का मानला जातोय. याच आधारे छगन भुजबळ आणि रमेश कदम हे युक्तीवाद करणार असल्याचं सुत्रांनी सांगितलंय.
