testwebdunia1
testwebdunia0
testwebdunia2

पी.व्ही. सिंधूला विजेतेपद

Last Modified सोमवार, 17 डिसेंबर 2018 (12:02 IST)
पी. व्ही. सिंधूने जपानच्या नोझोमी ओकुहारावर जबरदस्त मात करत वर्ल्ड टूर फायनल्स बॅडमिंटन
स्पर्धेचे विजेतेपद पटकावले. सिंधूने ओकुहारावर 21-19,21-17 अशी मात करत या किताबावर आपले नाव कोरले. विशेष म्हणजे सिंधूने वर्ल्ड टूर फायनल्स स्पर्धेचे पहिल्यांदाच विजेतेपद पटकावले आहे.
महिला एकेरीच्या उपांत्य लढतीत सिंधूने थायलंडच्या रॅचनोक इन्टॅननवर 21-16,25-23 अशी मात करत अंतिम फेरीत स्थान पटकावले होते. आज तिची द्वितीय मानांकित ओकुहाराशी लढत झाली. यापूर्वी तब्बल बारावेळा आमनेसामने आलेल्या या दोघींनी प्रत्येकी सहावेळा बाजी मारली आहे. त्यामुळे या दोघींच्या आजच्या लढतीकडे संपूर्ण बॅडमिंटन जगताचे लक्ष लागले होते. पण कोणत्याही दबावाखाली न येता सिंधूने नैसर्गिक खेळाचे प्रदर्शन घडवत ओकुहारावर मात केली.
सिंधूने सुरुवातीपासूनच आक्रमक खेळ करत ओकुहारावर दबाव आणण्याचा प्रयत्न केला. सामन्याचा पहिला पॉइंट ओकुहाराने जिंकला असला तरी सिंधूने सामन्यात पुनरागन करताना अप्रतीम स्मॅश लगावत पॉइंटसची लयलूट केली. सिंधूने 5-1 ने आघाडी घेतल्यानंतर ओकुहारानेही चांगला खेळ करत 7-5 ने हे अंतर कमी केले. मात्र त्यानंतर सिंधूने कोर्ट कव्हर करत ओकुहाराला काही चुका करण्यास भाग पाडले. त्यामुळे ब्रेकपर्यंत सिंधूने 11-6 ची आघाडी घेतली होती.
ब्रेकनंतरही सिंधूने चांगला खेळ करत ओकुहारावर 14-6 ने आघाडी घेतली. त्यामुळे सिंधू हा सामना लिलया जिंकणार असल्याचे वाटत असतानाच ओकुहाराने डावपेचात बदल केला. ओकुहाराने रणनीती बदलत चांगले कोर्ट कव्हर केले. त्यामुळे एकवेळ अशी आली की, सिंधूला पॉइंट मिळवण्यासाठी झगडावे लागले. रणनीती बदलल्याचा फायदा उठवणार्‍या ओकुहाराने सामना 16-16 असा बरोबरीत आणला. त्यामुळे सामन्याची उत्कंठा अधिकच वाढली होती. त्यानंतर सिंधूने अत्यंत सावध खेळी करत 20-17 ने आघाडी घेतली खरी पण त्यानंतर ओकुहारानेही दोन पॉइंट खिशात घातल्याने सामना अधिक रोमांचक झाला. परंतु, सिंधूने पुन्हा एकदा संयमी आणि आक्रमक खेळीचे प्रदर्शन घडवत पहिला गेम 21-19 ने जिंकला.
दुसर्‍या गेमच्या सुरुवातीलाच 3 पॉइंटस मिळवून सिंधूने सामन्यावर दबदबा कायम ठेवण्याचा प्रयत्न केला. मात्र ओकुहारानेही कडवी झुंजदेत सामन्यातील आपले आव्हान संपुष्टात आले नसल्याचे दाखवून देण्याचा प्रयत्न केला. ब्रेकपर्यंत 11-9 ची आघाडी घेतलेल्या सिंधूने दुसरा गेमही 18-16 च्या फरकाने जिंकून वर्ल्ड टूर फायनल्स बॅडमिंटन स्पर्धेचे विजेतेपद पटकावले.

सिंधुने भारतासाठी हा इतिहास रचला. ही स्पर्धा जिंकणारी ती पहिली भारतीय महिला ठरली आहे. हा अंतिम सामना एक तासाचा ठरला. सिंधूने या वर्षातील पहिले विजेतेपद मिळविले.


यावर अधिक वाचा :

मोदी आणि शाह झोपेत सुद्धा माझं नाव घेतात : शरद पवार

मोदी आणि शाह झोपेत सुद्धा माझं नाव घेतात : शरद पवार
“पंतप्रधान नरेंद्र मोदी आणि गृहमंत्री अमित शाह यांना माझ्याशिवाय राहवत नाही. ते ...

यात चुकीचे काय?, उदयनराजे यांचा सवाल

यात चुकीचे काय?, उदयनराजे यांचा सवाल
छत्रपती शिवाजी महाराजांचे वंशज उदयनराजे भोसले यांनी गड किल्ल्यांना लग्नसमारंभांसाठी भाडे ...

देशाला आदित्यसारख्या युवा नेत्याची गरज : संजय दत्त

देशाला आदित्यसारख्या युवा नेत्याची गरज : संजय दत्त
बॉलिवूड अभिनेता संजय दत्त याने युवासेनाप्रमुख आदित्य ठाकरे यांना पाठिंबा दिला आहे. संजय ...

फ्लिपकार्ट आता मनोरंजन क्षेत्रात

फ्लिपकार्ट आता मनोरंजन क्षेत्रात
ई-कॉमर्स कंपनी फ्लिपकार्टने ‘फ्लिपकार्ट व्हिडिओ ओरिजिनल्स’ नावाचे एक नवे व्हिडीओ ...

'या' वेळेत एक्झिट पोल दाखवता येणार नाहीत

'या' वेळेत एक्झिट पोल दाखवता येणार नाहीत
भारतीय निवडणूक आयोगाने विधानसभा निवडणुकीच्या पार्श्वभूमीवर एक्झिट पोलवर बंदी घातली आहे. ...

बेक्झिट : बोरिस जॉन्सन म्हणतात, UK आणि युरोपियन युनियनमध्ये ...

बेक्झिट : बोरिस जॉन्सन म्हणतात, UK आणि युरोपियन युनियनमध्ये अखेर करार झालाय
युनायटेंड किंग्डम आणि युरोपियन युनियन यांच्यात ब्रेक्झिटसंदर्भातला एक करार निश्चित झाला ...

आचारसंहिता भंगाबद्दल राहुल गांधींवर कारवाई करा प्रदेश ...

आचारसंहिता भंगाबद्दल राहुल गांधींवर कारवाई करा प्रदेश भाजपची निवडणूक आयोगाकडे मागणी
वणी (जि. यवतमाळ ) येथे झालेल्या जाहीर सभेत बोलताना पंतप्रधान नरेंद्र मोदी यांच्यावर असभ्य ...

दिवाळी आगोदर सहा दिवस राहणार बँका बंद, ही आहेत कारणे

दिवाळी आगोदर सहा दिवस राहणार बँका बंद, ही आहेत कारणे
ऑक्टोबर महिना संपत असून काही दिवस बाकी आहेत. उर्वरीत दिवसांमध्ये देशातील वेगवेगळ्या ...

विधानसभा निवडणूक: नारायण राणे आणि उद्धव ठाकरे यांच्यात ...

विधानसभा निवडणूक: नारायण राणे आणि उद्धव ठाकरे यांच्यात संघर्षाला नेमकी सुरुवात केव्हा झाली?
"नारायण राणे मातोश्रीच्या मिठाला जागले नाहीत. भाजपनं कणकवलीत इतर कुणालाही उमेदवारी दिली ...

उदयनराजेंनी केलं गडकिल्ले भाडेतत्वावर देण्याचं समर्थन, ...

उदयनराजेंनी केलं गडकिल्ले भाडेतत्वावर देण्याचं समर्थन, उलटसुलट चर्चा सुरू
"गडकिल्ले लग्नसमारंभासाठी भाडेतत्त्वावर देण्यात काही चुकीचे वाटत नाही. आपण मंदिरांमध्ये ...