कृती : सर्वप्रथम पनीराचा किस करून त्याला ब्राउन होईस्तोवर बेक करावा. काजूचे कापसुद्धा बेक करून घ्यावे. आता खवा किसून 2 मिनिट बेक करावा. केशर, गुलाब पाण्यात टाकून बेक्ड पनीरामध्ये मिसळून द्यावे, त्याने पनीराचा रंग पिवळा दिसेल. काजूचे काप पनीरामध्ये मिक्स करावे.
खव्यात साखर वेलची मिसळावी. पनीराचे १०-१२ गोळे तयार करावे व तसेच खव्याचेसुद्धा १०-१२ गोळे तयार करावे. खव्याची गोळी हातावर ठेवून त्यावर पनीर काजूची गोळी ठेवून चांगल्याप्रकारे बंद करून लाडू सारखे वळून घ्यावे. लाडवाला चाँदीचा वर्ख व केशराने सजवून कागदाच्या वाटीत ठेवून नैवैद्य लावावा.
