नागपुरात शालिमार एक्सप्रेस रुळावरून घसरली, सुदैवाने जन हानी नाही

नागपूर जिल्ह्यात 18029 शालीमार एक्सप्रेस रुळावरून घसरली आहे. रेल्वे अधिकाऱ्यांनी सांगितले की, मंगळवारी दुपारी मुंबई एलटीटी-श्रीनगर एक्स्प्रेसचे दोन डबे रुळावरून घसरले. या अपघातात कोणतीही जीवितहानी झाल्याचे वृत्त नाही. रेल्वे आणि स्थानिक प्रशासनाचे वरिष्ठ अधिकारी घटनास्थळी उपस्थित असून बचाव कार्य सुरु आहे.

महाराष्ट्रातील नागपूर जिल्ह्यातील कळमना स्थानकाजवळ मंगळवारी शालीमार एक्स्प्रेसचे दोन डबे रुळावरून घसरले, अशी माहिती एका वरिष्ठ रेल्वे अधिकाऱ्याने दिली.

दक्षिण पूर्व मध्य रेल्वेचे वरिष्ठ विभागीय कमर्शियल मॅनेजर (डीसीएम) दिलीप सिंग यांच्या म्हणण्यानुसार, या घटनेत कोणीही मृत्यू किंवा जखमी झाल्याचे वृत्त नाही. सिंग म्हणाले, “नागपूरजवळील कळमना स्थानकाजवळ एस-२ कोच आणि ट्रेन क्रमांक 18029 शालीमार एक्स्प्रेसची पार्सल व्हॅन रुळावरून घसरली. या घटनेत एकही प्रवासी जखमी झाला नाही. या घटनेत जीवितहानी झाल्याची कोणतीही माहिती नाही.”शालीमार एक्स्प्रेस मुंबईहून शालीमारकडे जात होती.

ते पुढे म्हणाले की, प्रवाशांना त्यांच्या इच्छित स्थळी पोहोचवण्यासाठी रेल्वे प्रशासन सर्वतोपरी प्रयत्न करत आहे. रेल्वे प्रशासनाने हेल्पलाइन सुरू केली असून प्रवाशांना आवश्यक त्या सुविधा पुरवल्या जात आहेत. दरम्यान, दुरुस्तीचे काम सुरू आहे.

Edited By - Priya Dixit