शुक्रवार, 29 मार्च 2024
  1. लाईफस्टाईल
  2. आरोग्य
  3. आरोग्य लेख
Written By
Last Updated : बुधवार, 21 सप्टेंबर 2022 (12:16 IST)

High Risk Heart Attack या रक्तगटांच्या लोकांना हृदयविकाराचा झटका येण्याचा धोका जास्त असतो

हृदयात रक्ताचा प्रवाह मंदावला किंवा अवरोधित झाल्यास हृदयविकाराचा झटका येतो.रक्तवाहिन्यांमधील फॅट, कोलेस्टेरॉल किंवा इतर कशामुळेही हा ब्लॉकेज होऊ शकतो.बहुतेक लोकांच्या खराब जीवनशैलीमुळे हृदयविकाराचा झटका येतो असे तज्ज्ञांचे मत आहे.स्ट्रोक किंवा हृदयविकाराच्या 70% प्रकरणे सावधगिरीने टाळता येतात.आता एका अभ्यासातून असे समोर आले आहे की असे काही रक्तगट आहेत ज्यामध्ये हृदयविकाराचा धोका जास्त असतो. 
 
O रक्तगटाला कमी धोका असतो
अमेरिकन हार्ट असोसिएशन आर्टेरिओस्क्लेरोसिस, थ्रोम्बोसिस आणि व्हॅस्क्युलर बायोलॉजीमध्ये प्रकाशित झालेल्या अभ्यासानुसार, ए, बी आणि एबी रक्तगटांना हृदयविकाराचा धोका जास्त असतो.अभ्यासात असे म्हटले आहे की रक्तगट A किंवा B मध्ये O पेक्षा हृदयविकाराचा झटका येण्याचा धोका 8 टक्के जास्त आहे.4 लाख लोकांवर केलेल्या विश्लेषणानंतर हे निष्कर्ष समोर आले आहेत.
 
AB ला सर्वाधिक धोका
रक्तगट आणि हृदयविकाराच्या संबंधावर यापूर्वीही अनेक अभ्यास करण्यात आले आहेत.हार्वर्ड स्कूल ऑफ पब्लिक हेल्थच्या अभ्यासातून असेही समोर आले आहे की ए, बी आणि एबी रक्तगटांना हृदयविकाराचा धोका जास्त असतो.यामध्येही एबी रक्तगट जास्त जोखमीचा असतो.हा डेटा 20 वर्षांच्या संशोधनाच्या परिणामांवर आधारित होता.एबी रक्तगटात 23 टक्क्यांपर्यंत जास्त धोका असल्याचे समोर आले.B मध्ये असलेल्यांना 11 टक्के आणि A मध्ये असलेल्यांना 5 टक्क्यांपर्यंत जास्त धोका आहे.