शुक्रवार, 29 मार्च 2024
  1. लाईफस्टाईल
  2. योग
  3. योग सल्ला
Written By
Last Updated : बुधवार, 22 फेब्रुवारी 2023 (18:38 IST)

Evening Yoga संध्याकाळी योगाभ्यास करणे योग्य की अयोग्य?

shayan pad sanchalan yoga
जर तुम्ही सकाळी लवकर उठू शकत नसाल किंवा कोणत्याही कारणामुळे सकाळी योगा करणे जमत नसेल तर याचा अर्थ असा नाही की तुम्ही योगा करू शकत नाही. तुम्ही दिवसाच्या कोणत्याही वेळी योगाभ्यास करू शकता. योग तज्ञ यांच्या मते, संध्याकाळी योगा केल्याने तुमचे मन शांत होते. यामुळे तुम्हाला चांगली झोप लागते. जेव्हा तुम्ही दिवसभर धावपळ करता, डेडलाईनचे टेन्शन घेता आणि थकून जाता, तेव्हा संध्याकाळी योगा करून तुम्ही तुमचा तणाव कमी करू शकता.
 
अशी काही योगासने आहेत जी तुमचे मन शांत करतात आणि ती करण्यासाठी सर्वोत्तम वेळ म्हणजे संध्याकाळी किंवा रात्री. पश्चिमोत्तनासन आणि उत्तानासन अशी दोन आसने आहेत जी तुमच्या मणक्यावरील दबाव कमी करतात. त्याच वेळी ते तुमचा तणाव दूर करते आणि शरीराला डिटॉक्सिफाय करते. त्यामुळे तुम्ही या आसनांचा संध्याकाळी सराव करू शकता.
 
संध्याकाळी योगाभ्यास करताना काही गोष्टींची काळजी घेतली पाहिजे. सर्वप्रथम तुम्ही योगाभ्यास करत असताना तुमचे पोट रिकामे असल्याची खात्री करा. आणि लक्षात ठेवा, तुम्ही सकाळी किंवा संध्याकाळी योगाभ्यास करत असलात तरी 5 ​​ते 10 मिनिटे दीर्घ श्वास घ्या. यामुळे दिवसभराच्या गजबजाटातून शरीर आणि मन शांत झाल्यावरच तुम्ही योगसाधनेवर लक्ष केंद्रित करू शकाल.
 
लक्षात ठेवा तुम्ही कोणत्या वेळी योगा करता याने काही फरक पडत नाही. तुम्ही योगासाठी एक वेळ ठरवून ती तुमची सवय बनवणे महत्त्वाचे आहे.