पीक विम्याची भरपाई दिवाळीपूर्वी

जवळपास 21लाख शेतकऱ्यांना दिवाळीपूर्वी पीक विम्याची रक्कम देण्याच्या राज्य सरकारच्या सूचनेनंतर काही विमा कंपन्यांनी भरपाई वितरण सुरू केल्याची माहिती कृषिमंत्री दादा भुसे यांनी दिली आहे.

"अतिवृष्टी तसंच अवर्षण यामुळे यंदाच्या खरीप हंगामात शेतकऱ्यांचं अतोनात नुकसान झालं. अशा 38 लाख शेतकऱ्यांनी पीक विम्याची नुकसानभरपाईची मागणी केली आहे. त्यापैकी नुकसानभरपाई निश्चित झालेल्या 21 लाख शेतकऱ्यांच्या खात्यावर 1555 कोटींची मदतीची रक्कम दिवाळीपूर्वी जमा करावी, अशी सूचना राज्य सरकारने विमा कंपन्यांना केली.

"त्यानंतर काही विमा कंपन्यांनी नुकसानभरपाई वितरण सुरू केल्याने लाखो शेतकऱ्यांची दिवाळी गोड होईल," अशी अपेक्षा भुसे यांनी व्यक्त केली.